TOWNمدينة
بيها المريض يطيب ياعفك جنة ... قرنفل العاقول والسبخة حنة

صفحة الشعر والشعراء:

أولا: الشاعر حميد سرهيد:

إعلان:

يدعو موقع عفك أهالي عفك ومحبي الشعر الشعبي إلى جمع مآثر شعراء المنطقة وإرسالها للموقع لغرض نشرها في ملفات تحفظ حق أصحابها.

وسيكون البدء مع الشاعر المبدع المرحوم حميد سرهيد. بانتظار ما يرسله محبوه وهذه بعض أبيات الدارميات من نظمه بالمناسبة وجدت منشورة على احد المواقع:

شاعر عفك الكبير المرحوم حميد سرهيد الحمزاوي وهو يصور حال عاشقه تذكرت حبيبها الغائب طويلاً وهي تقوم بعمبله العجن وتحضير الخبز:

إهنا يمن خليت قلبي إنعجن بيك
جني (كأني) بحلاة النوم جاعد (قاعد) وأحاجيك (وأحاكيك)

وله ايضاً يصور لعاشقة احرقت بيت والدها لترى حبيبها قبل ساعات من الرحيل


خلوها كبرا النار بس يلتطفون
بلجن (بلكن) يجي ويا الناس وتشوفه العيون
من موقع البرلمان العراقي: http://www.drweb4u.net/vb/showthread.php?t=4960

وهذه محاوره شعرية شيقه تجد بين اسطرها قوة البلاغه والوصف الدقيق والمعبر عن كل حالة ـ ـ هذه المحاورة جرت بين سيد شنين عبد الرضا وحميد سرهيد

قال سيد شنين
ـ ـ ـ ـ ـ ـ ـ ـ ـ ـ ـ
يحميد اجم دوب وتعف الايام
لا بالنهار ارتاح ابليلي مانام

اجابه حميد سرهيد
ـ ـ ـ ـ ـ ـ ـ ـ ـ ـ ـ ـ
اتكلي لا مرتاح لانامت العين
إسمع مثل مضروب عود الصبر زين

اجابه سيد شنين
ـ ـ ـ ـ ـ ـ ـ ـ ـ ـ ـ
خويه انه مو ايوب واصبر واتاني
آذاني بالطكات أوجر زماني

اجابه حميد سرهيد
ـ ـ ـ ـ ـ ـ ـ ـ ـ ـ ـ ـ ـ ـ
تريد اكلك ايه وابهاي الك حك
ياريتك انت تشوف راس شحمل طك

اجابه سيد شنين
ـ ـ ـ ـ ـ ـ ـ ـ ـ ـ ـ
راسك يابن سرهيد طكاته هينات
لاجن دشوف اشلون طكاتي كلفات

اجابه حميد سرهيد
ـ ـ ـ ـ ـ ـ ـ ـ ـ ـ ـ ـ
آذنك الطكات واتكلي احاه
ما تدري بداعيك اشسون اوياه

اجابه سيد شنين
ـ ـ ـ ـ ـ ـ ـ ـ ـ ـ ـ ـ ـ
صوجي يبن سرهيد انه اشتكي لك
واني ادري من الشوك ونه ابدليلك

اجابه حميد سرهيد
ـ ـ ـ ـ ـ ـ ـ ـ ـ ـ ـ ـ ـ
بس اني من الشوك ونه ابدليلي
ديمه وتون وتصيح يا دمعه سيلي

المصدر: منتدى دردشة: http://www.dardasha.net/montada/archive/index.php/t-86468.html

وهذا الدارمي للشاعر الكبير المرحوم حميد ال سرهيد من عفك وكان قد وضعها تحت وسادته وأوصى أن تقرأ على المشيعين من أصدقائه ومحبيه وكان ذلك فعلا في يوم التشيع وقد تلاها الشاعر منهل هادي أبو بيادر

مساجله بين شاعرين هما حميد ال سرهيد ومنهل هادي من عفك حيث بدأ حميد قائلا:

لامسحاه بعد تنلزم وتشل
ولا ابره التخيط الجرح وتشل
ولا اخوه التعدل الحمل وتشل
ولا حملي سهل ومعين اليه

فأجاب الشاع منهل هادي:

الك مسحاه جفن عيني وشل بيه
وخذ كلبي دوه لجرحك وشل بيه
انه مدوهن بحملي واشل بيه
انه جادر لحملك ذب عليه

المصدر: شبكة أبناء العراق: http://www.abnaaaliraq.com/vb/showthread.php?p=8848
 

وله ايضا:

اهوايه طكني البين ماطك مثل هاي ... اوصله للسباح ماينفع الماي

فرد عليه صديق له

خضرت وانته تكول ماينفع الماي ... مريم جذعه شصار ياتايه الراي

فرد عليه مستغربا

ماتعرف المكصود كصدك تسولف ... اشمعنه ون يعكوب بس على يوسف

ياروحي شرهه عليج كلش جبيره ... أعرضت دكت الطيب واليد كصيره

الرد

افزع كبل نخواك واعرض للرماح ... لن طبع روحي تموت للحشم وصاح


لاتمر لاتنشاف شنهو القضيه ... اليحب والكراه شمته بيه


طك كلبي والعباس كلش عليكم ... مومشي يمكن راح دقلات اجيكم

صدني ونشدني وكال شمالك شبيك....كتله بعزيز الروح من امشي اوصيك

خواني كلمن طاح منهم نخاني ... شمعنه يتبرون من اوكع اني

ميت يا رب انخاك رد روحي اليه ... بس ساعة اشوف هواي واخذ المنيه

حسبالك تطم الروح وتاليها ترتاح ... وك تذكر الايام وتصفك على الراح

جربت طم الروح وما فادت بهاي ... وك جرحي مو بالايد وك جرحي بچلاي

ارد ابچي عل محبوب راح او هجرني ... لو رايد اني انطي اعيوني هذني

الرد

فات الاوان اوياك راح او غدر بيك ... حبيبك عافك راح بعد منهو اليسليك

ريت انكلب فنجان بيد الكهوجي ... واوصل لحلك هواي وانتحب وابجي

أعتب واريد هواي اشتم واسب بيك ... ناسينا صار اهواي ما ادري اشبيك

اعماء ومشيت وياك وكلشي عطيتك ... ذيب وعثرله بشات ماحسبيتك

عگرب عرفت البيك كله وهويتك ... سمك وصل لحشاي بس ماحسبيتك

الرد

عگرب تريد اتصير تلدغني وتروح ... حسبالي خوش اوليد سلمتك الروح

البيده زف اهواه بس الله يدري ... اعظم مثال يصير للهوى العذري

البيده زف هواه كلبه شكواته ... يتوجه عالرمحين خوف الشماته

البيده زف هواه جن رفض عمره ... من يرد تالي الليل كلبه شيصبره

بين السمه والكاع افرش فراشي ... لايوصل النمام لا يمي واشي

مثل الشمع ظليت ناري عله راسي ... والعده هيج عيون ماظنه قاسي

يا گلبي انسى الراح لا تذكر الهم ... لا تذكر الصدعات أمر وتحتم

گالت وهذا الشيب كلتله ازينه ... گالت بعد شيفيد اروگه بينه

المصدر: منتديات اضواء العراق: http://cpanel.alrames.net/suspended.page/?t=12593

وأخرى حسب ما ورد في المصدر: وهذه لشاعر من الديوانيه على الارجح المرحوم احميد ال سرهيد من عفك:
بعدتو والدرب كطعه ولي شاك
وبعد كل الامل بيكم ولي شاك
الي لجمات بضلوعي ولي شاك
بدليلي بطول كطعتكم عليه

المصدر: منتديات الجدار الحر: http://jdhm.net/vb/showthread.php?t=6982&page=61